بھارتی خفیہ ایجنسی ’را ‘کا اہم رکن گرفتار! آصف صدیقی نامی شخص سیکیورٹی ایجنسیوں کے بارے میں معلومات حاصل کرتا تھا اور اسے ای میل کے ذریعہ بھارتی خفیہ ایجنسی کو بھیجتا تھا‎ بھارتی ایجنٹ پاکستان میں کس گریڈ کا سرکاری ملازم نکلا ؟تہلکہ خیز انکشافات سامنے آگئے

کراچی(مانیٹرنگ ڈیسک) کراچی میں ایف آئی اے انسداد دہشتگردی ونگ نے اہم کارروائی کے دوران بھارتی خفیہ ایجنسی را کے سلیپر سیل کے اہم رکن آصف صدیقی کو گرفتار کرلیا۔نجی ٹی وی رپورٹ کے مطابق ایف آئی اے حکام کے مطابق گرفتار ملزم 17 گریڈ کا سرکاری ملازم تھا، ملزم قانون نافذ کرنیوالے اداروں سے متعلق معلومات بذریعہ ای میل بھارت بھیجتا تھا، حساس مقامات کی تصاویر اور تفصیلات بذریعہ ای میل بھیج رہا تھا۔ملزم آصف صدیقی اسلحے کی ترسیل میں بھی ملوث ہے، ملزم کا تعلق ایم کیو ایم لندن سے ہے، ملزم کیخلاف قانونی کارروائی شروع کر دی گئی ہے، ملزم سے مزید تحقیقات کی جا رہی ہے۔

اپنا تبصرہ بھیجیں